កម្លាំងប៉ុស្តិ៍រដ្ឋបាលភ្នំពេញថ្មី បានឃាត់ខ្លួនជនសង្ស័យម្នាក់ ករណីអំពើលួច
06-September-2018 | ដោយ ពលមនសិការ
ភ្នំពេញ៖ នៅថ្ងៃទី០៦ ខែកញ្ញា ឆ្នាំ២០១៨ វេលាម៉ោង០៥ និង៣០នាទី កម្លាំងប៉ុស្តិ៍រដ្ឋបាលភ្នំពេញថ្មី បានឃាត់ខ្លួនជនសង្ស័យម្នាក់ ករណីអំពើលួច(លួចយកកាបូបប្រាក់) នៅចំណុចបន្ទប់ជួល ក្រុម២ ផ្លូវបេតុង ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ។
ជនសង្ស័យឈ្មោះ ពេជ្រ ធី ភេទប្រុស អាយុ២៥ឆ្នាំ ជនជាតិខ្មែរ មុនរបរមិនពិតប្រាកដ ស្នាក់នៅបន្ទប់ជួលលេខ៣ ក្រុម៤ ផ្លូវបេតុង ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ (មានសារធាតុញៀន)។
ជនរងគ្រោះឈ្មោះ សាត សំរ៉ស់ ភេទស្រី អាយុ៣៤ឆ្នាំ ជនជាតិខ្មែរ មុនរបរលក់ដូរ ស្នាក់នៅបន្ទប់ជួលលេខ៤ ក្រុម៤ ផ្លូវបេតុង ភូមិភ្នំពេញថ្មី សង្កាត់ភ្នំពេញថ្មី ខណ្ឌសែនសុខ ។
សម្ភារៈបន្សល់៖កាបូបស្ពាយពណ៌ឈាមជ្រូកចំនួន០១ , ប្រាក់ដុល្លាចំនួន១៧០ដុល្លារ, លុយខ្មែរចំនួន៥០០.០០០រៀល, ទូរស័ព្ទដៃចំនួន០១គ្រឿង ម៉ាកសាំសុង និងខ្សដៃចំនួន០១ខ្សែ (ប្រគល់ឲ្យជនរងគ្រោះវិញ)។
សមត្ថកិច្ចបានឱ្យដឹងថាមុនពេលកើតហេតុ ជនរងគ្រោះ បានធ្វើសកម្មភាព លួចចូលក្នុងបន្ទប់របស់ជនរងគ្រោះ លួចយកកាបូបប្រាក់របស់ជនរងគ្រោះ រួចជនសង្ស័យបានចេញពីក្នុងបន្ទប់ជនរងគ្រោះ ទៅបន្ទប់ជួលរបស់ខ្លួនវិញ ដែលនៅជាប់និងបន្ទប់ជួលរបស់ជនរងគ្រោះ។ បន្ទាប់មកជនរងគ្រោះ បានចូលលក្នុងបន្ទប់របស់ខ្លួនឃើញបាត់កាបូបប្រាក់ពីក្នុងបន្ទប់ ក៏មានការសង្ស័យទៅលើជនសង្ស័យ ហើយជនរងគ្រោះបានទៅសួរនាំ តែជនសង្ស័យបានរត់ពេលឃើញជនរងគ្រោះនិងក្រុមគ្រួសារមកសួរនាំ ភ្លាមនោះជនរងគ្រោះ និងក្រុមគ្រួសារបានឃាត់ខ្លួនជនសង្ស័យប្រគល់ឲ្យសមត្ថកិច្ចប៉ុស្តិ៍រដ្ឋបាលភ្នំពេញថ្មី ធ្វើការសាកសួរ រួចជនរងគ្រោះបានដាក់ពាក្យបណ្តឹងចោទប្រកាន់ជនសង្ស័យ តែម្តង បច្ចុប្បន្ន ជនសង្ស័យកំពុងឃាត់ខ្លួននៅអធិការដ្ឋាននគរបាលខណ្ឌសែនសុខ ដើម្បីអនុវត្តតាមនិតិវិធី ៕
ចំនួនអ្នកទស្សនា
- ថ្ងៃនេះ1481
- ម្សិលមិញ16391
- សប្តាហ៍នេះ47711
- ខែនេះ162861
- ឆ្នាំនេះ162861
- សរុប20605317